img366

你買唔到嘅相機

img366
對於一個對攝影有少少研究嘅人,最憎係聽到有人問「你啲相咁靚,你用咩鏡」、「你啲相咁靚,你用咩機」。
即係個個人本身對攝影嘅理解只係有技術、器材,佢哋心底係唔相信你嘅思考,佢哋覺得佢哋擁有相同嘅器材同埋技術就可以影到相同嘅相,佢哋都唔會明白每一張相片嘅價值,當中思考過程。見到啲廣告佬hard sell,「最好嘅相機係7d MKii」、「最好嘅鏡係小白」,比咗堆大師影嘅相,有啲有會覺得買咗個部機就會影到咁好嘅相,比你買晒全世界最好嘅機又點?咁只係證明咗你好有錢,唔代表你懂得攝影喎。

除咗係消費主義之外,其實算一種補賞感,因為好多人係岩岩學習影相(同埋底個種奴性)忘掉思考。見到人哋有啲咁嘅作品,佢哋會眼紅,佢哋除咗錢之外,咩都冇,咁咪唯有透過消費去填補呢個空位。

佢哋永遠買唔到嘅機,就係心機。

Leave a Comment

©KaiserKS 2016